சமுதாயம் / புராணம்
புராணம்
இவ்வினத்தவர் பற்றிய புராணக்கதை இவ்வினத்தின் தோற்றம் பற்றியும். உரிமைப் பெண் மணஉறவு பற்றியும் குறிப்பிடுகின்றது. தெலுங்குச்செட்டி, ஜனப்பச் செட்டி, சாதுச் செட்டி என்று பல்வேறு பெயர்கள் 24 மனைத்தெலுங்குச் செட்டியார் இனத்திற்கு உண்டு. `மனை` என்பது பழந்திராவிடச் சொல்லாகும். வீடு, பல்கிப்பெருகுவது` என்ற பல பொருட்கள் இதற்கு உண்டு. இந்த அடிப்படையில் `மனை` என்ற சொல் இங்கு குலத்தைக் குறிப்பதாக அமைகின்றது. `24` எனும் எண், புனித எண்ணாகப் பழங்காலத்திலிருந்து கருதப்பட்டு வருகின்றது 24 குலங்களை உடைய, தெலுங்கைத் தாய்மொழியாகக் கொண்ட வணிகர்கள் என்பதே 24 மனைத் தெலுங்கு செட்டியார்கள் என்பதின் பொருளாகும்.